Бухоро шаҳридаги «С. Раҳимов», «Гулистон», «Дилкушо» МФЙлари ҳудудида жойлашган 78 та кўп квартирали уй-жойлар, ундаги мавжуд хонадонларда истиқомат қилувчи аҳолининг яшаш ва яшаш учун мўлжалланмаган жойлардан фойдаланишларида қулай ҳамда хавфсиз шароитларни таъминлаш, умумий мол-мулкни лозим даражада сақлаш ҳамда умумий мол-мулкдан фойдаланиш масалаларини ҳал этишни янада такомиллаштиришни кўзда тутувчи Бошқарув сервис компанияси фаолияти йўлга қўйилади.
Бошқарувчи ташкилот очиқ танлов ўтказиш йўли билан танланади ва унга қуйидаги вазифалар юклатилади:
—Шартномага асосан барча кўп квартирали уй-жойларни бошқариш, мулкчилик шаклидан қатъий назар ҳудуддаги ташкилотларга (объектларга) сифатли коммунал ва авария вазиятларини бартараф этиш хизматларини кўрсатиш;
—Тегишли ҳокимлик билан тузиладиган шартномага асосан ҳудудни кўкаламзорлаштириш ва ободонлаштириш ишларини амалга ошириш;
Мазкур ҳудуддаги кўп квартирали уйларда истиқомат қилаётган аҳолининг оғирини енгил, мушкилини осон қилиш орқали тадбиркорлик фаолиятини давом эттирмоқчи бўлган ҳамюртларимизни очиқ танловда иштирок этишга таклиф этамиз.
Танлов шартларига доир қўшимча маълумотларни Бухоро вилояти Қурилиш ва уй-жой коммунал хўжалиги бош бошқармасининг (+99891) 417 73 30 телефон рақамига қўнғироқ қилиб билиб олишингиз мумкин.
Тадбиркорлик истагида бўлган ҳамюртларимизнинг мурожаатлари жорий йилнинг 5 декабрь куни соат 12:00 га қадар қабул қилинади.
БУХОРО ВИЛОЯТИ ҚУРИЛИШ ВА УЙ-ЖОЙ КОММУНАЛ ХЎЖАЛИГИ БОШ БОШҚАРМАСИ МАЪМУРИЯТИ.
