Ромитан тумани ҳокимлиги ҳамда туман Камбағалликни қисқартириш ва бандликка кўмаклашиш бўлими билан ҳамкорликда ўтказилган меҳнат ярмаркасида тумандаги 30 та корхона, ташкилот ва муассасалар ўзларидаги 220 та бўш иш ўринлари билан иштирок этишди. Ярмарка доирасида 70 га яқин ишсиз фуқаролар қатнашиб, шулардан 18 нафари доимий ишга жойлаштирилди, 14 нафари ўзини ўзи банд қилган сифатида рўйхатга қўйилди, 2 нафари касб-ҳунарга ўқишга жалб қилинди. Бундан ташқари 27 нафарига ҳуқуқий маслаҳатлар берилди. Натижасида жами 61 нафар ишсиз фуқароларнинг бандлиги таъминланди. Тадбир давомида юк ташиш мотоцикллари, мульти тракторлар, аёллар сартарошлик анжомлари, нон маҳсулотлари пиширгич, тикув машиналари ва бир нечта турдаги техникалар имтиёзли кредит асосида шу жойнинг ўзида фуқароларга расмийлаштириб берилди.
Ромитанда “Бўш иш ўринлари меҳнат ярмаркаси” бўлиб ўтди
