Ўзбекистон Республикаси Президентининг 2022 йил 20 январдаги «Маҳаллаларда ёшлар билан ишлаш тизимини тубдан такомиллаштириш чора-тадбирлари тўғрисида»ги 92-сонли қарорига мувофиқ маҳалладаги ёшлар билан тизимли ишлаш, ёшларнинг бўш вақтларини самарали ташкил этиш мақсадида маҳаллаларда ёшлар етакчилари фаолиятини олиб боришмоқда.
Ромитан туманидаги 45 та маҳалла фуқаролар йиғинидаги уюшмаган ёшларни спортга жалб қилиш, соғломлаштириш, соғлом турмуш тарзини кенг тадбиқ этиш мақсадида Ўзбекистон Республикаси Давлат хавфсизлик хизмати томонидан футбол мусобақаси ташкил этилди.
Мазкур мусобақа ҳар томонлама адолатли, қизиқарли ўтиши учун жорий йилнинг 14 апрель куни Ромитан тумани марказида жойлашган 12-сон Болалар мусиқа ва санъат мактаби фаоллар залида қуръа ташланди. Маҳалладаги ёшлар етакчилари томонидан қуралар танланиб, жамоалар белгилаб олинди.
