Бугуни кунда мамлакатимизда амалга оширилаётган ислоҳотлардан кўзланган бош мақсад – инсонларга фаровон турмуш шароитини яратиш, айниқса, ёшларга оид давлат сиёсати соҳасида муҳим ўзгаришларни амалга оширишдан иборат.
Бу борада эса сир эмаски, ижтимоий соҳа объектлари айниқса, таълим масканларида муносиб шароит яратиш бугунги кундаги долзарб масалалардан биридир.
Юртимизда кузатилаётган совуқ об-ҳаво шароитида таълим муассасаларида электр ва иссиқлик энергияси узлуксизлигини таъминлаш ўқувчи ва ўқитувчилар учун зарур шароитларни яратиш мақсадида Ромитан тумани ҳокими Умеджон Барноев ҳамда тегишли соҳа вакиллари иштирокида туман Мактабгача таълим бўлимига қарашли 3-ДМТТ, туман Халқ таълими бўлимига қарашли 1-ИДУМ ва туман Тиббиёт бирлашмасидаги мавжуд ҳолат ўрганилиб, иситиш тизимлари, қозонхона, мўрилар ва электр тақсимлагичлар тўлиқ кўрикдан ўтказилди, уларнинг техник ҳолати созлиги назорат қилиниб, иссиқлик тизими узлуксизлигини таъминлаш юзасидан тегишли топшириқлар берилди.
