Президентимиз томонидан бугунги кунда таълим-тарбия соҳасида олиб борилаётган кенг кўламли ислоҳотларнинг давоми сифатида 2023 йилни «Инсонга эътибор ва сифатли таълим» йили деб ном берилиши бу келадиган янги йилимизда таълим соҳасини янги босқичга олиб чиқишини кўрсатиб беради. Президентимизнинг Олий Мажлисга ва Ўзбекистон халқига қилган мурожаатномаларида ҳам таълим сифатини ошириш Янги Ўзбекистон тараққиётининг яккаю ягона тўғри йўлидир деб, буюк бобомиз Юсуф Хос Хожибнинг, «Заковат бор жойда улуғлик бўлади, билим бор жойда буюклик бўлади,» деган иборани айтиб ўтдилар.
Бугун юртимизда мактабгача таълимга берилаётган эътибор туфайли сўнгги олти йилда болаларни мактабгача таълимга қамраб олиш даражаси 27 фоиздан 70 фоизга етиши натижасида бугунги кунда 2 миллионга яқин бола боғчага бормоқда. Бундай ислоҳотларимиз яқинда Тошкент шаҳрида ўтказилган ЮНEСКОнинг мактабгача таълим бўйича умумжахон анжуманида дунё мамлакатлари томонидан юксак баҳоланди. Бугун юртбошимиз мурожаатномада ҳам мактабгача таълимдаги таълим сифатини оширишдан бошлаш кераклиги, болаларни мактабгача таълимга қамров даражасини 80% га етказиш учун боғчалар сонини кўпайтириш, хусусий секторларга қўшимча шароитлар яратиш орқали қамровни ошириб бориш, шунингдек , мактабгача таълимда таълим ва тарбияни тубдан яхшилаш бўйича 5 йиллик дастур қабул қилиш зарурлигини таъкидлаб ўтдилар.
Шу сабабли, биз мактабгача таълим педагоглари ҳам таълим сифатини ошириш орқали етук , билимли, заковатли фарзандларни тарбиялаб вояга етказиш, уларга етарли шарт-шароитлар яратиб бериш, Янги Ўзбекистоннинг тараққиёт йўлини белгилашда ўз ҳиссамизни қўшишимиз лозимлиги кўрсатиб бермоқда.
Ахмедова Дилдора Қудратиллаевна
Шофиркон туман кенгаш депутати, 26-Давлат мактабгача таълим ташкилоти директори.
