Бухоро шаҳар тиббиёт бирлашмасида соғлиқни сақлаш тизимини янада ривожлантириш, ҳудудлар аҳолисини сифатли тиббий хизмат билан қамраб олиш, истиқболдаги устувор вазифаларни белгилаш ва бу борада тиббий суғурта механизмларини босқичма-босқич жорий этиш, шаҳар тиббиёти тараққиётини янги босқичга кўтаришга бағишланган семинар – тренинг ўтказилди.
Ўзбекистонда тиббий суғурта тизими жорий этилаётганлиги, соғлиқни сақлаш тизимидаги самарасиз харажатлар улушини босқичма-босқич қисқартириш, тиббиёт муассасаларининг молиявий мустақиллигини ошириш ва тиббиёт ходимларини моддий рағбатлантириш механизмларини кенгайтириш, аҳолига давлат томонидан кафолатланган тиббий ёрдам кўрсатишга хусусий тиббиёт ташкилотларини жалб қилиш ҳисобига рақобат муҳитини ривожлантириш ҳамда тиббий хизматлар сифатини оширишга йўналтирилган ислоҳотлар Республика даражасида тизимли равишда амалга оширилаётганлиги тўғрисида шаҳар тиббиёт бирлашмаси раҳбари Ф.Норов атрофлича тўхталиб йиғилиш иштирокчиларига маълумот берди.
Семинар давомида Бухоро шаҳридаги 13 та даволаш профилактика ва ёрдамчи муассасаларда фаолият юритаётган тиббиёт ходимларига Давлат тиббий суғурта жамғармаси мутахассиси З.Шарипов томонидан – суғурталаш тизими жорий этилишининг афзалликлари, аҳолига кўрсатилаётган тиббий хизмат сифати ва кўлами янада ошиши, хавфли касалликларга чалиниш эҳтимоли камайиб, аҳолининг ўртача умр кўриш даражасини узайиши, тизим жорий этилиши натижасида давлат ва хусусий тиббиёт муассасалари ўртасида рақобат муҳити вужудга келиши, тиббий суғурта тизими ҳисобига соҳада самарадорликка ва яхши натижаларга эришиш кераклиги хозирги давр талаби эканлиги борасида маълумот берилди.
Шуни алоҳида таъкидлаш жоизки, Давлат тиббий суғуртаси уч босқичда амалга оширилиб, биринчи босқичда Сирдарё вилоят соғлиқни сақлаш бошқармаси тизимидаги барча тиббиёт муассасаларида жорий этилди. Иккинчи босқич ишлари эса 2023 йилда Қорақалпоғистон Республикаси, Тошкент шаҳри, Самарқанд, Навоий, Сурхондарё ҳамда Фарғона вилоятларида, учинчи босқич 2025 йилдан бутун мамлакатни қамраб олиши, тиббий суғурта тизими Вилоятимиз соғлиқни сақлаш тизимига кириб келгунига қадар барча тайёргарлик ишларини амалга ошириш, тиббиёт ходимлари тизимини рақамлаштириш, электрон поликлиника тизимини ривожлантириш, хатловдан ўтган фуқароларни электрон базага киритиш, реестрини юритиш борасида тиббиёт бирлашмаси раҳбари томонидан масъул мутахассисларга аниқ кўрсатма ва топшириқлар берилди.
Жамғарма мутахассиси Давлат томонидан кафолатланган бепул тиббий хизматлар ва дори воситалари ҳажми тўғрисида,– аҳолига Ўзбекистон Республикаси Давлат бюджети маблағлари ҳисобидан қонун ҳужжатларида белгиланган тартибда кўрсатиладиган бепул тиббий ёрдамлиги, кафолатланган пакет бирламчи тиббий-санитария ёрдами муассасалари ҳамда шифохоналар томонидан Ўзбекистон Республикаси фуқаролари, Ўзбекистон Республикасида доимий яшовчи чет эл фуқаролари ва фукаролиги бўлмаган шахсларга такдим этилиши тўғрисида ҳам йиғилиш иштирокчиларига атрофлича маълумот берилди.
Шу билан бир қаторда, кафолатланган пакет тизимида асосий эътибор бирламчи тиббий хизматга, яъни касалликларнинг олдини олиш ва эрта аниқлашга қаратилганлиги, кафолатланган пакетга – профилактика, диагностика ва даволаш ишлари кириши, битта тибиёт бригадаси 2 минг кишилик аҳолига масъул қилиб белгиланганлиги, агар бемор шифохонага оила шифокори йўлланмасини олмасдан мурожаат қилса тиббий хизматлар учун пул тўлаши тўғрисида жамғарма мутахассиси томонидан фикр мулоҳазалар, ҳуқуқий асослар билдирилди.
Давлат дастурида белгиланган вазифаларнинг ўз вақтида бажарилиши йиллар давомида тўпланиб қолган долзарб масалаларни ҳал қилиб, соғлиқни сақлаш тизимида кутилган натижаларни хаётга тадбиқ этилишига барчамиз бирдек масулмиз!
