Қибрай туманида яшовчи В.Сиддиков (исм-фамилияси ўзгартирилган), 2024 йил 5 июль куни соат 22.30ларда таниши А.Талипов билан учрашиб, унинг «Газ 24» русумли автомашинасида гаплашиб ўтиришганида, «Инстаграм» дан «18+» номли «Телеграм» ботини рекламаси чиқиб қолган. Ушбу рекламага кириб, бот орқали гаплашиб, гиёҳвандлик воситасини топиб, ташлаб берилган локация орқали гиёҳвандлик воситасини олиб кетиш мумкинлигини билишган ва «Пайнет» иловаси орқали 585.000 сўм тўлов қилиб, бот ташлаган локация бўйича Чилонзор тумани, Бешёғоч кўчасига боришган. Уерда А.Талипов автомашинадан тушиб гиёҳвандлик воситасини олиб келгани, мазкур гиёҳвандлик воситасини истеъмол қилиш учун чеккароқ жойга бориш мақсадида Мирзо Улуғбек туманидаги пост орқали ҳаракатланиб кетаётганларида уларни ИИБ ЙҲХБ ЙПХ ходимлари тўхтатишгани ва ёнларида ноқонуний нарсалар бўлса топширишни сўрашганида, уларга чап оёғидаги пойабзалини тагида гиёҳвандлик воситаси борлигини айтганида холислар иштирокида гиёҳвандлик воситасини ашёвий далил тариқасида олишган.
Жиноят ишлари бўйича Мирзо Улуғбек туман судининг 2024 йил 10 центябрдаги ҳукми билан судланувчи В.Сиддиковга жазо тури ва миқдорини тайинлашда, унинг айбига тўлиқ иқрор бўлиб, чин кўнгилдан пушаймонлигини жазони енгиллаштирувчи ҳолатлар деб топиб, жиноятнинг хусусияти ва ижтимоий хавфлилик даражасини, оилавий шароити ва моддий аҳволини, ИСФТ институти 2 курс сиртқи бўлим талабаси эканини ҳисобга олиб, унга иш ҳақининг 20 фоизини давлат даромади ҳисобига ушлаб қолган ҳолда 3 йилга ахлоқ тузатиш ишлари жазоси тайинланган.
