Қадрли бухороликлар ва шаҳримиз меҳмонлари!
🔝10 декабрь, шанба куни вилоятимиз меҳнаткашларининг 2022 йилги қишлоқ хўжалик мавсумининг муваффақиятли якунларига бағишланган анъанавий “Ҳосил байрами” ҳамда “Қишлоқ хўжалиги ходимлари куни” тадбири ўтказилади.
📍Байрам Кўҳна ва Боқий Бухоро мажмуаси ҳудудида соат 10.00дан бошлаб то кечга қадар халқ сайли сифатида ташкил этилади.
Ҳосил байрами муносабати билан ҳар бир шаҳар ва туманларнинг павильонлари тикланиб, ҳунармандчилик маҳсулотлари кўргазмаси ҳамда арзонлаштирилган қишлоқ хўжалиги маҳсулотлари ярмаркалари ташкил этилади. Дошқозонларда ош дамланади.
Байрамнинг асосий томоша майдонида эса миллий кураш, қўчқор уриштириш каби мусобақалар, бир-бирини асло такрорламайдиган миллий халқ ўйинлари бўлиб ўтади. Фольклор жамоаларининг бадиий чиқишлари ташкил этилади.
🗓Бу ҳали ҳаммаси эмас. Шу куни жорий йилги мавсумда юқори кўрсаткичларга эришган, пилла, ғалла, пахта хирмонига салмоқли ҳисса қўшган, умуман, мавсум илғорлари тантанали равишда тақдирланади.
✅Вилоятимиз ва республикамизнинг таниқли санъат ва сўз усталарининг концерт дастури эса байрам файзини янада ошириши шубҳасиз.
🔔Шундай экан, барча бухороликларни ва шаҳримиз меҳмонларини “Ҳосил байрами” тантаналарига чорлаймиз.
