Ассалому алайкум, азиз ва қадрли болажонлар!
Сизларни 1-июнь – “Халқаро болаларни ҳимоя қилиш куни” муносабати билан чин қалбимдан табриклайман.
Сизларга соғлик-саломатлик, келгуси ўқишларингизда улкан зафарлар тилайман.
Бугунги байрам кайфияти сабаб Сизларнинг беғубор кулгуларингиз, чеҳраларингиздаги қувонч, кўзларингизда чарақлаб турган бахтиёрлик нурлари, биз катталар кўнглида ҳам кўтаринкилик пайдо қилмоқда.
Қувонмай бўладими, Сиз янги, беғубор авлодимизсиз, Ўзбекистонимизнинг янги дунёсини барпо этувчи шу билан бир қаторда келажагимиз ворисларисиз.
Ҳозирги кунда Сиз «Таълим тўғрисида»ги қонуннинг янги йўналиши бўйича ўқимоқдасиз. Сиз янги замон кишилари бўласиз.
Шунинг учун ҳар бирингизда мардлик, шижоат, қатъийлик, ҳушёрлик сифатлари мужассам бўлсин. Бу давримиз талабидир.
Шуни унутмангки, Сизни олдинда янги имкониятлар, зафарлар билан бирга, не-не синовлар, юксак довонлар, мураккаб ва шарафли йўллар кутмоқда.
Сизлар ҳар қандай вазиятда ҳам азиз Ватанимизнинг фидойи ва жасур, билимдон ва бахтли фарзандлари бўлиб қолишингизни истардим.
Азиз фарзандларим!
Мана шундай инсоний фазилатлар, бир умр комилликка интилиб яшаш туйғуси Сизларни асло тарк этмасин.
Сизларни бугунги байрамингиз билан яна бир бор муборакбод этиб, келгуси ўқишларингиз ва ишларингизда улкан зафарлар ёр бўлишини тилаб қоламан.
Ҳурмат билан Шофрикон тумани ҳокими Алишер Файзиллоев
