«ҲУДУДГАЗТАЪМИНОТ» АЖ ва «УЗПАЙНEТ» МЧЖ ўртасида газ таъминоти соҳасида жисмоний ва юридик шахслар учун рақамли технологияларга асосланган хизматларни кенгайтиришга қаратилган ҳамкорлик тўғрисидаги Меморандум имзоланди.
Бугунги кунда Ўзбекистон Республикаси ҳудудида 74 мингга яқин юридик шахслар маҳсулот ишлаб чиқариш ва хизматларни тақдим этиш учун табиий газдан фойдаланадилар. «Зангори» ёқилғи етказиб берувчи ва истеъмолчи ўртасидаги барча ҳисоб-китоблар реал вақт режимида амалга оширилмоқда. Ақлли газ ҳисоблагичлар ва бошқа замонавий қурилмалар «ҲУДУДГАЗТАЪМИНОТ» АЖ га табиий газ истеъмолини назорат қилиш ва табиий газ таъминоти хизматлари учун ҳисобларни ўз вақтида тақдим этишга қулай имконият яратиб бермоқда.
Табиий газ етказиб бериш жараёнига рақамли технологиялар жорий этилиши тўлов тизимлари билан ҳамкорликни кенгайтиришга ижобий таъсир кўрсатди. Хусусан, «ҲУДУДГАЗТАЪМИНОТ» АЖ ва Ўзбекистонда тўлов хизматларини кўрсатиш бўйича энг йирик тизимларидан бири – «УЗПАЙНEТ» МЧЖ ўртасидаги ҳамкорлик тўловларни амалга оширишдаги янги сифат даражасини намоён қилади. Биргаликдаги фаолият натижасида юридик шахслар учун газ таъминоти хизматлари учун тўловни амалга оширишга оид янги хизмат жорий этилди.
Эндиликда тадбиркорлар «УЗПАЙНEТ» МЧЖ нинг 24 мингта тўлов пунктлари ва ўз-ўзига хизмат кўрсатиш киоскларининг исталганида, куннинг ҳар қандай вақтида, шу жумладан шанба ва якшанба кунлари, реал вақт режимида нақд пул ҳисобида ёки банк карталаридан фойдаланган ҳолда етказиб берилган газ учун тўловларни амалга оширишлари мумкин. Бундай хизмат тадбиркорларга қарздорлик мавжудлиги ва дам олиш кунлари банк орқали газ таъминоти хизматлари учун тўлов қилишга имкон йўқлиги сабабли маҳсулот ишлаб чиқаришни ёки иш жараёнини тўхтатиб қўймасликка имкон беради.
Табиий газнинг маиший истеъмолчилари бўлган жисмоний шахсларни ҳам янгиликлар кутмоқда. Яқин вақт ичида «УЗПАЙНEТ» МЧЖ газ таъминоти учун тўловни амалга оширишга оид яна бир хизматни йўлга қўяди, ва шунда абонентлар ПАЙНEТ МОБИЛE мобил иловасида қисқа муддатли мақсадли микрокредитдан фойдаланиш ва «зангори» ёқилғи учун ўз вақтида тўловларни амалга ошириш имкониятлари кенгаяди. Истеъмолчининг ҳисобида пул маблағлари мавжуд бўлмаган ҳолда ушбу микрокредит ҳисобига тўлов қилиш табиий газ таъминоти узиб қўйилишининг олдини олишга имкон яратади.
«ҲУДУДГАЗТАЪМИНОТ» АЖ ва «УЗПАЙНEТ» МЧЖ ўртасида газ таъминоти хизматлари учун тўлов механизмларини яхшилашга қаратилган самарали ҳамкорлик 8 миллиондан зиёд истеъмолчилар учун қулай шароитларни яратишга хизмат қилади. Бу эса, ўз навбатида, фуқаролар манфаатлари ва фаровонлигини таъминлаш йўлида амалга оширилаётган ислоҳотларнинг яққол исботидир.
ПАЙНEТ МОБИЛE иловасини Андроид ёки иОС учун шу ердан юклаб олишингиз ва картадан картага 0% га пул ўтказиш имкониятидан фойдаланишингиз мумкин.
