«Ҳудудгаз Бухоро» газ таъминоти филиали томонидан «Олот» газ таъминоти станциясидан чиқарилган мавжуд саноат тармоғидан Олот тумани «Арабхона» маҳалла фуқаролар йиғини ҳудудидаги саноат зонасигача янги газ тармоғини қуриш бўйича барча ҳужжатлар тайёрланди. Унга кўра эса кесими 352*6,0 ммли 25,0 км узунликдаги газ тармоғини қуриш кўзда тутилган. Шунингдек, «Ўзтрансгаз» АЖнинг 2022 йил 23 майдаги фармойишига асосан Олот туманида ташкил этилган саноат зонасини газлаштириш учун «Когон» магистраль газ қувурлари бошқармасига қарашли «Ромитан-Олот-Қоракўл» магистраль газ тармоғидан реконструкция қилиш жараёнида ер остида қолган, кесими 325 ммли 2-гуруҳга мансуб бўлган пўлат газ қувурларнинг ҳисобидан 25,0 км узунликдаги пўлат қувурлари ажратилиши белгиланди. Бугунги кунда эса «Ҳудудгаз Бухоро» газ таъминоти филиали томонидан юқорида қайд этилган фармойишга асосан кесими 325 ммли бўлган 2-гуруҳга мансуб бўлган пўлат қувурларни ташиш ишлари амалга оширилиб, монтаж жараёнлари бошланди.
