Ушбу таклиф ва Конституциянинг 99-моддасига киритилаётган ўзгартириш фуқароларимиз ва кенг жамоатчилик томонидан ижобий кутиб олинмоқда. Хўш ушбу ислоҳотлар натижасида қандай ижобий ўзгартишлар кутилмоқда?
- Жойларда ижро (ҳоким) ва вакиллик (Кенгаш) органлари ўртасида, «бир-бирини тийиб туриш» механизми ишлайди. Бу эса, ҳокимларнинг халқ вакиллари олдидаги масъулиятини оширишга олиб келади;
- Халқ манфаатларини тўлиқ таъминлашга, ҳокимликлар фаолияти устидан Кенгашлар ва жамоатчилик назоратини кучайтиришга хизмат қилади.
- Ҳоким бундан буёғига ҳудудларнинг «олий» мансабдор шахси ҳисобланмайди.
Умуман олганда, ҳокимларнинг маҳаллий кенгашларга раислик қилиш амалиётининг тугатилиши ҳудудларда чин маънодаги вакиллик органларининг фаолият юритиши ва самарали депутатлик назоратининг вужудга келиши учун конституциявий кафолатларни таъминлайди.
