Тадбирга уста бинокорлар, меъмор ва лойиҳачилар, пудратчи ташкилотлар вакиллари, меҳнат фахрийлари, соҳа илғорлари, давлат ва жамоат ташкилотлари вакиллари таклиф этилган.
Тадбирда сўзга чиққан вилоят ҳокими Ботир Зарипов сўнгги йилларда вилоятимизда бунёд этилган бино ва иншоотларнинг барчаси юртимизда қурилиш саноатини изчил ривожлантириш йўлида амалга оширилаётган ислоҳотларнинг маҳсули эканлигини, давлатимиз раҳбари томонидан қурувчиларнинг меҳнати юксак баҳоланиб, соҳа ходимлари кунининг расман белгилаб қўйилиши Ватанимиз равнақи йўлида янада кўпроқ ишлаш ва изланишга рағбат уйғотиши кераклигини таъкидлади.
Тадбир Ўзбекистон ва Тожикистон халқ артисти Оғабек Собиров иштирокидаги концерт дастури билан давом этди.
Тадбирда кўп йиллик самарали меҳнати, туман ва шаҳарларимизда амалга оширилаётган кенг кўламли бунёдкорлик ишларига қўшган муносиб ҳиссаси, қурилиш индустрияси ва миллий меъморчиликни ривожлантириш, тизимга илғор технологияларни жорий этиш, замонавий бино ва иншоотларни барпо этиш, шаҳар ва қишлоқларимиз қиёфасини тубдан ўзгартириш борасидаги катта хизматлари ҳамда мамлакатимизнинг қурилиш соҳасини равнақ топтиришга қўшган муносиб ҳиссаси учун бир гуруҳ соҳа вакиллари халқ депутатлари вилоят кенгашининг фахрий ёрлиғи, вилоят ҳокимлигининг ташаккурномаси ва қимматбаҳо совғалари билан тақдирланди.
