Бухоро шаҳрида 25-бор ўтказилган анъанавий “Қовун сайли” байрами миришкор деҳқонлар, полизкор фермерлар, томорқа ер эгаларининг ҳақиқий маҳорат намойишига айланди. Сайлда алоҳида ўрнак кўрсатган деҳқон-миришкорлар рағбатлантирилди.
Туманлар ўртасида биринчи ўринга лойиқ деб топилган Ромитан, Когон ва Вобкент туманлари замонавий музлаткич билан тақдирланган бўлса, иккинчи ўринга лойиқ кўрилган Ғиждувон, Шофиркон ва Бухоро туманлари ҳамда учинчи ўриндаги Қоракўл ҳамда Қоровулбозор туманларига замонавий телевизорлар топширилди.Фермер хўжаликлари ўртасида эса биринчи ўринга Пешкў тумани Мустақиллик ҳудудидаги “Султон Али Раҳмат интенсив боғ қурилиш” МЧЖ раҳбари Исмоил Бўронов ғолиб деб топилиб, мукофот тарзида “Лочин” юк ташиш мотоцикли топширилди. Иккинчи ўринга Жондор тумани Қароли ҳудудидаги “Элмурод Дўсмурод Шаҳриёр” фермер хўжалиги раҳбари Дўсмурод Боймуродов муносиб кўрилди.
Учинчи ўринга эса Олот тумани Чорвоқ ҳудудидаги “Мухторов Шафоғат” деҳқон хўжалиги раҳбари Шафоғат Мухторов эга бўлди.
Тадбирда Бухоро вилояти ҳокими Ботир Зарипов иштирок этди.
