“Қоракўл Кумуш Калава” МЧЖ фаолиятида қонунбузилиш ҳолати аниқланди

   Рақобат қўмитасининг Бухоро вилояти ҳудудий бошқармаси томонидан “Қоракўл Кумуш Калава” МЧЖнинг биржа савдолари орқали техник чигит маҳсулотини реализация қилишда, шу жумладан биржа савдоларида маҳсулотларни савдога қўйиш жадвалларига нисбатан номувофиқ қўйиш каби манипуляция ҳолатлари орқали маҳсулот нархларини ошишига олиб келган ҳаракатларининг аломатлари аниқланган. Бунинг натижасида биржа савдоларида маҳсулотни нархлари ўртача 12 фоизгача ошишига сабаб бўлган. Ҳозирда МЧЖга нисбатан иш қўзғатилиб, асоссиз олинган маблағни қайтариш ҳамда қонунбузилиш ҳолатларини бартараф этиш юзасидан бажарилиши мажбурий бўлган кўрсатма берилди.