Давлат хавфсизлик хизмати ва ЎзАА хабарига кўра, Бухорода “Солихов Олимжон Фазлиддинович” хусусий корхонасига қарашли 3 та АГТКШда табиий газдан ноқонуний фойдаланиш оқибатида давлат манфаатларига жами 11 млрд 847 млн 744 минг сўм зарар етказилган.
Тўпланган ҳужжатларга кўра, “Солихов Олимжон Фазлиддинович” хусусий корхонаси мансабдор шахсларининг ҳаракатларида жуда кўп миқдорда ўғирлик содир этишда ифодаланган жиноят аломатлари мавжудлиги аниқланган. Олиб борилган ўрганишлар натижасида мазкур ҳолат юзасидан Ғиждувон туманидаги “Солихов Олимжон Фазлиддинович” хусусий корхонаси мансабдор шахсларига нисбатан Ўзбекистон Республикаси ЖКнинг тегишли банди билан жиноят иши қўзғатилган.
