Ғиждувон туман ҳокими ваъда қилган “СПАРК” қайси маҳалланинг ёшлар етакчисига насиб қилади?
Ғиждувон тумани ҳокими Ш.Ашуров ҳудуддаги 75 та маҳаллага бириктирилган ёшлар етакчиси билан учрашувида уларга бу янгиликни етказди.
Таъкидланишича, ҳудудда ўғил-қизларни санъат ва бадиий ижодга қизиқтириш, шунингдек ёшлар маънавий дунёсини шакллантиришга ҳисса қўшган энг яхши ёшлар етакчиси “СПАРК” автомобили билан тақдирланади.
Танлов шартига мувофиқ, ёшлар етакчиси ўз ҳудудидаги ўқувчиларни ёзги таътил кунларида уларни мусиқа асбобларини чалишга ўргатиш чораларини кўриши керак.
Таътил якунида, ҳайъат азолари маҳалладаги ёшларнинг маҳоратини синовдан ўтказиб, баҳолаш мезонига кўра 60% дан ортиқ ёш маҳалладошларини ушбу чолғу асбобларини моҳир чалишга ўргатган энг яхши ёшлар еткачиси ғолиб деб топилади.
Эътиборлиси, ушбу ташаббус ўқувчиларнинг ёзги таътил кунларини мароқли ва мазмунли ташкил этишга хизмат қилади.
