2023 йилнинг январ-сентябрь ойларида жами 14 666 нафар ўзбекистонлик хорижий мамлакатларга доимий яшаш учун кўчиб кетди.
Статистика агентлигининг маълумотларига кўра, Ўзбекистондан хорижий мамлакатларга кўчиб кетганларнинг асосий қисми – 11 921 киши Қозоғистон (81,3 фоиз) ҳиссасига тўғри келади. Кейинги ўринларда, Россияга 2 248, Қирғизистонга 72, Жанубий Кореяга 71, Туркманистонга 32 ва бошқа мамлакатларга 322 киши яшаш учун кетган.
Кўчиб кетганларнинг катта қисмини Тошкент шаҳри, Тошкент вилояти ва Қорақалпоғистон республикаси аҳолиси ташкил қилади.
