Куни кеча Белорус давлатининг Брест вилояти касалхонаси бош врачи тиббиёт фанлари доктори, профессор Карпицский А.С. бошчилигидаги 8 кишидан иборат мутахассислар РШТЁИМ Бухоро филиалига ташриф буюрдилар. Ташриф 2023 йилда имзоланган икки томонламала меморандум асосида ҳамкорликни кучайтиришга бағишланди.
Меҳмонларни директор т.ф.н.М.Ражабов филиалда амалга оширилаётган тиббий хизматлар кўлами, даволаш-диагностик стандартлар ижроси, мутахассислар малакасини ошириш ва илмий изланишларда эришилаётган ютуқлар, белгиланган режалар ҳамда қўлланилаётган юқори технологик мураккаб операциялар билан яқиндан таништирди.
Ўз навбатида халқаро ҳамкорликни ривожлантириш орқали мутахассисларнинг ўзаро тажриба алмашишлари борасидаги режалари ҳақида ҳам келишиб олинди.
Меморандум келишувидан икки мамлакат шошилинч тиббиёт соҳаси етакчилари иштирокида тиббий кўриклар ва жарроҳлик амалиётларини ўтказиш орқали якдил бўлган ҳолда мамлакат тиббиётини янги босқичларга кўтариш, лойиҳа доирасида ҳар иккала томоннинг имконият ва тажрибаларини ўрганиш, мураккаб йўналишлардаги юқори технологик жарроҳлик амалиётларини биргаликда бажариш, қолаверса, РШТЁИМ Бухоро филиалининг мутахассислари ҳам Брест вилоят касалхонасига бориб хориж тажрибасини ўзлаштириб келишлари назарда тутилган.
