Ташриф чоғида Ўзбекистон Республикаси Олий Мажлис Сенати раиси Танзила Норбоева дастлаб Ромитан туманидаги “Қаҳрамон” маҳалла фуқаролар йиғини ҳудудида жойлашган Туркия инвесторлари ҳамкорлигидаги қўшма корхона шаклидаги “WBM Romitex” МЧЖда амалга оширилаётган ишлар билан яқиндан танишди.
Ушбу корхона 12 та блокдан иборат бўлиб, шундан 6 таси ишлаб чиқариш блоклар бўлиб, лойиҳанинг йиллик ишлаб чиқариш қуввати 22 минг тонна ип-калава, 22 млн. пагонометр газлама ва 22 млн. дона тўқув-трикотаж маҳсулотлари ишлаб чиқарилади.
Танишиш давомида Сенати раиси корхонадаги иш жараёнини кўздан кечириб, замонавий технологиялар асосида иш унумдорлигини ошириш, меҳнат муҳофазасига эътибор қаратиш, қурувчиларнинг ҳаёт хавфсизлиги, улар учун барча шароитлар яратиш юзасидан кўрсатма ва топшириқлар берилди.
Кейинги манзил тумандаги “Ёшлар маркази” бўлиб, ушбу марказда туман Мактабгача ва мактаб таълими бўлими билан Камбағалликни қисқартириш ва аҳоли бандлигига кўмаклашиш бўлими ҳамкорлигида ташкил этилган мактаб битирувчилари ҳамда ишсиз фуқароларни касб-ҳунарга тайёрлаш бўйича ўқув курслари, шунингдек, ёшлар учун хорижий тилларни ўргатиш курслари, заковат ўйинлари клуби билан яқиндан танишди.
Навбатдаги манзил “Ромитан сайилгоҳи” савдо ва кўнгил очар кўча (Broadwаy) мажмуаси бўлди. Ушбу сайилгоҳда аҳолини мароқли дам олишлари учун концерт дастурлари ҳамда ёшларни бўш вақтларини мазмунли ташкил этиш мақсадида турли хил спорт ўйинлари, аҳоли саломатлиги учун тўғри овқатланиш тарғиботлари, шунингдек, “Моҳир пазанда” февтивали, Сумалак сайллари ҳам бўлиб ўтди.
