Халқ таълими вазирининг 2006 йил 20 сентабрдаги 229-сонли буйруғи билан метод кунлари тасдиқланган бўлиб, бу куни ўқитувчи:
• кутибхонада ишлаши;
• дарсларга тайёргарлик кўриши;
• илғор технологиялардан фойдаланиб, дарс ўтаётган ўқитувчиларнинг дарсини кузатиши;
• семинар ва семинар-ўқишларда қатнашиши керак.
Шу қоидага кўра сиз бу кунда ўқув бўладиган мактабга боришингиз ва ўтказиладиган тадбирда қатнашиб боришингиз керак.
Бироқ ушбу буйруққа кўра ўқитувчи фақат семинар-ўқувда қатнашиши шарт деган қоида йўқ. Метод куни ўқитувчи юқорида санаб ўтилган ишларни бажариши керак.
Шундай экан, бу вазиятда сиздан ҳар сафар семинар-ўқувда қатнашишни талаб қилиш нотўғри. Ушбу ҳолатда сиз туман адлия бўлимига мурожаат қилишингиз мумкин.
