Ромитан туманининг 1-секторига қарашли Самосий маҳалла фуқаролар йиғинида 3500 нафардан ортиқ инсонлар истиқомат қилишади. Олиб борган ўрганишлар ва аҳоли билан мулоқотлар давомида ҳудудда мактабгача таълим ташкилоти, яъни боғча масаласи энг кўп илгари сурилган. Мазкур масалани ечим топишида қатор ҳаракатлар олиб борилишдан ташқари маҳаллий тадбиркорларга мавжуд имкониятлар асосида таклифлар билдириб келинган.
Айни пайтда Самосий маҳалласи ҳоким ёрдамчиси томонидан маҳалланинг хар томонлама ривожланишига ўз ҳиссасини қўша оладиган “Тадбиркор аёл”ларимизга кўмак бериш мақсадида ПҚ-306 сонли қарорга асосан фуқаро Мунаввар Нутфуллоевага 100 миллион сўмлик имтиёзли кредит маблағлари ажратиб берилди.
Тадбиркор Мунаввар Нутфуллоева маҳалланинг Қосхўр қишлоғида 50 ўринли “Носирова Гулзебо” оилавий мактабгача таълим ташкилоти фаолияти йўлга қўйди. Имтиёзли кредит ажратилиши орқали бошланган фаолият намунали тарзда олиб борилмоқда.
Боғчада ҳозирги кунда 70 нафардан ортиқ болажонлар тарбияланмоқда. Жажжи болажонларни етук ва баркамол инсон қилиб тарбиялашлари учун тадбиркор 6 та ишчи ўрни яратишга эришган. Рус ва инглиз тили ўргатилиши нафақат маҳаллий аҳолини балки, қўшни маҳаллалардаги ота-оналарни ҳам ўзига жалб этган.
Болалар учун эрталабки нонушта, тушликда 2 хил таом ва кечки вақтда тамадди соатлари мавжуд. Қўшни маҳаллалар учун тадбиркорнинг “Дамас” русумли автомашинаси болаларни олиб келиш ва элтиб қўйишга хизмат қилади.
