Шофиркон тумани Искогаре маҳалласида яшовчи С.Э. шу маҳаллада яшовчи Ф.М.ни алдаб, ҳайдовчилик гувоҳномаси олиш учун ўтказиладиган имтиҳондан ваколатли танишлари орқали ўтказиб қўйишни ваъда қилиб, 400 АҚШ доллари талаб қилади.
Бухоро вилояти ҳуқуқ-тартибот органлари томонидан 2023 йил 25 февраль куни ўтказилган тезкор тадбир давомида ушбу шахс туманнинг Саврак маҳалласида жойлашган «Захратун» супермаркети олдида талаб қилинган пулларни олган вақтида ушланган.
Мазкур ҳолат юзасидан Ўзбекистон Республикаси ЖК нинг 168-моддаси 1-қисми билан жиноят иши қўзғатилиб, ҳозирги кунда дастлабки тергов ҳаракатлари олиб борилмоқда.
