ҲАМАС Ғазо секторини бошқаришни Фаластин қўмитасига топширишга розилигини тасдиқлаган. Шунингдек, ҲАМАС барча тирик исроиллик гаровдагиларни озод қилишга ва ҳалок бўлганларнинг жасадларини топширишга рози бўлди.
Трамп Исроилни Америка тинчлик режасини амалга ошириш доирасида Ғазо секторига зарбаларни дарҳол тўхтатишга чақирди. Исроил ўз армиясига Ғазо шаҳрини эгаллашга қаратилган барча ҳужум операцияларини тўхтатишни буюрибди.
Фаластиннинг ҲАМАС гуруҳи АҚШ президенти Доналд Трампнинг Ғазо секторидаги урушни тугатиш режасини қўллаб-қувватлашга тайёрлигини маълум қилди. Гуруҳ баёнотида айтилишича, қарор “масалани ҳар томонлама ўрганиб чиққандан кейин” қабул қилинган ва унинг жавоби аллақачон воситачиларга етказилган.
ҲАМАС барча тирик гаровга олинган исроилликларни озод қилишга, ўлганларнинг жасадларини топширишга ва Ғазони бошқариш учун “мустақил Фаластин ҳокимияти”ни шакллантиришга рози бўлишга тайёр.
Гуруҳ Сиёсий бюросининг аниқлик киритишича, Хамас Исроил қамоқхонасидаги барча фаластинлик маҳбусларни озод қилиш, Исроил қўшинларини тўлиқ олиб чиқиш ва ўт очишни тўхтатиш бўйича музокараларга тайёр. Бироқ гуруҳнинг фикрича, Ғазодаги ҳозирги вазиятни ҳисобга олсак, гаровни 72 соат ичида топшириш мумкин эмас.
Доналд Трамп Вашингтон вақти билан 5-октабр куни кечгача келишувга эришилмаса, “жаҳаннам барбод бўлади”, дея огоҳлантирди.
Гуруҳнинг жавобидан сўнг Трамп Truth Social нашрида ХАМАС узоқ муддатли тинчликка тайёр эканлигига ишонишини айтди. У Исроилни гаровга олинганларни хавфсиз озод қилиш учун Ғазога ҳужумларни зудлик билан тўхтатишга чақирди.
“Исроил зудлик билан бомбардимон қилишни бас қилиши керак, шунда биз гаровга олинганларни тез ва хавфсиз озод қилишимиз мумкин. Бу ҳозир жуда хавфли”, – деди Трамп.
Унинг қўшимча қилишича, ҳозирданоқ келишув тафсилотлари бўйича музокаралар олиб борилмоқда. “Бу нафақат Ғазо, балки Яқин Шарқда узоқ кутилган тинчлик ҳақида”, – дея таъкидлади АҚШ президенти.
