Илмий ишлар ва инновациялар бўйича проректор Тўлқин Расулов бугунги кунда университетда амалга оширилаётган ислоҳотлар, БухДУдаги илмий-инновацион фаолият, асосий кўрсаткичлар, мавжуд инфратузилма обектлари, бугунги кунга қадар эришилган ютуқлар, муассаса ҳудудида фаолияти йўлга қўйилган тижорат ташкилотлари хусусида сўзлаб берди.
Ўзбекистон Республикаси Олий таълим, фан ва инновациялар вазирининг ўринбосари Шаҳлохон Турдиқулова талабаларга турли хизматлар кўрсатиш маркази “Регистрар офис” фаолияти, тадбир ва маросимлар ўтказиладиган йиғингоҳ, спорт заллари, бандлик маркази, 500 минг адабиёт сиғимига эга Ахборот ресурс маркази билан яқиндан танишди. Бухоро давлат университети Ўқув ишлари бўйича проректори Рустам Жумаев талабаларга қулайлик яратиш мақсадида 34 та хизмат турлари фаолиятини қамраб олган “офис-регистратор” маркази ҳамда 500 минг адабиёт сиғимига эга Ахборот ресурс маркази фаолияти, нодир китоблар, ўқув заллари, ҳар бир фойдаланувчига исталган ахборот ресурсдан фойдаланиш учун қилинган тадбирлар хусусида сўзлаб берди.
